Ibiheruka Gatanya (divorce) ivugwa no mu bakristo yemewe ryari?  |  Gushyingirwa, umuhango wategetswe n’Imana.  |  Ubushinwa: Havumbuwe ibihamya simusiga by’umwuzure wo ku bwa Nowa  | 
Home page » Abigisha » Pastor KARAYENGA Jean Jacques » TEXT » Ingaruka mbi zo gusharira, umujinya n’uburakari
Ingaruka mbi zo gusharira, umujinya n’uburakari

"Gusharira kose n’uburakari n’umujinya n’intonganya, no gutukana hamwe n’igomwa ryose bibavemo. "(Efeso:4:31)

Gusharira, umujinya n’uburakari byombi Bibiliya ibigaragaza nk’icyaha, cyangiza urukundo n’imibanire y’abantu ndetse kibangamira no gukura ko mumwuka.

Kutihana ibi byaha biteza agahinda Umwuka Wera , biha Satani urwaho mu buzima bwawe, bituma umucyo wawe uhinduka umwijima imbere y’abandi(ubuhamya),byangiza ubumwe bw’umubiri wa Kristo.

I. Uko Imana ibona gusharira, n’uburakari n’umujinya.

a.Umujinya :Ni igikorwa gihutiyeho gishyira hanze ubugome bwari by his be mumuntu bishingiye kukwikunda kwe, guhabanye no gukunda Yesu.

(Abagal 5:19-20; Abakol. 3:8; Yakobo1:19-20)

b.Gusharira hamwe usanga muri Bibiliya zo muzindi ndimi bitwa ishyari: nabyo bifitanye isano n’umujinya, byo kandi bikagaragaza ukutemera ko byose biva ku Mana mu buzima bwawe, ukumva abantu batabona ibyo ubagezaho, imbaraga zawe uba wakoresheje bataziha agaciro...

Ibi nonabyo bikaba kugaragaza ubuzima bw’iyiringira mucyimbo cyo kwiringira Imana[ "Akanwa kabo kuzuye ibitutsi n’amagambo abishye." Abaroma3:14] kandi bizana guhumana[ "Mwirinde hatagira umuntu ugwa akava mu buntu bw’Imana, kandi hatagira umuzi wo gusharira umera ukabahagarika imitima abenshi bagahumana" Abaheb12:14]

II.Bamwe bagerageza gusobanura impamvu z’umujinya wabo bati:

Imana nayo yararakaye (Kubara 25:4) ndetse na Yesu nuko (Mariko 3:5) kubwibyo nanjye ndakaye ntakibazo.

Nyamara wibuke ko Imana Yera wowe utari uwera. Kwera kwayo, gukiranuka, urukundo, kubonera, bigumaho nigihe yafushye (Kuva20:5),irakaye (2 Ingoma28:11), ihora (Rom. 12:19).

III.Zimwe mu ngero zo muri Bibiliya Ku ngaruka z’umujinya

A. Kayini, mumujinya we , yishe murumuna we. Ingaruka zabyo yahindutse igicamuke n’inzererezi (Itangiriro 4:5-8,11-12)

B. Simiyoni na Lewi bari abanyamujinya, bakagira umujinya w’umuranduranzuzi bituma bazanira imiryango yabo umuvumo(Itangiriro49:5-7)

Umujinya uzana umuvumo no mumuryango nubwo abantu baba bawutekereza nk’icyaha gito, nyamara bakibagirwa ko uwufite aba ntarukundo keretse urwe ubwe wenyine.

C.Sawuli yararakaye kugeza ubwo yashatse kwiyicira umwana we.(1Samwel20:30-33), umujinya wibagiza umuntu nuwo yabyaye akumva ariwe wabaho wenyine. D.Yona yararakaye anabwira nabi Umuremyi we ngo kuko atarimbuye i Niniwe (Yona4:1-11)

E.Simoni kubera ishyari no kwikunda yumva ibyiza byose bitaba kubandi byaba ibye bibyara yashatse kugura impano y’Imana amafaranga.

Ibi byose biratwereka uburyo umujinya, uburakari, ishyari no gusharira byose bifitanye isano kandi ari icyaha kibi Imana yanga urunuka. Kandi kubera ko kibanza kwihisha mu mutima gisohoka ntarutangira kuburyo kiba gifite imbaraga umuntu atabasha gutegeka ndetse we ubwe bigatuma cyabyara ibindi byaha byinshi.

"Ariko none mwiyambure ibi byose: umujinya n’uburakari, n’igomwa no gutukana, kandi ntihakagire amagambo ateye isoni aturuka mu kanwa kanyu."(Abakolosayi3:8)

Pastor Jean Jacques Karayenga

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

“Ngwino uko uri” Abahatanira Groove Awards 2016... Mwese abarushye n’abaremerewe,...
Gatanya (divorce) ivugwa no mu bakristo yemewe... Matayo 19:3 Abafarisayo baza aho...
Gushyingirwa, umuhango wategetswe n’Imana. Gushyingirwa ni kimwe mu by’ingenzi...
Musanze: Abakabakaba 100 bakiriye agakiza Kuri iki cyumweru tariki ya 14...
Ubushinwa: Havumbuwe ibihamya simusiga by’umwuzure wo ku... Bibiliya ijambo ry’Imana mu gitabo...
Kwamamaza
Find us on
Kwamamaza