Ibiheruka Gatanya (divorce) ivugwa no mu bakristo yemewe ryari?  |  Gushyingirwa, umuhango wategetswe n’Imana.  |  Ubushinwa: Havumbuwe ibihamya simusiga by’umwuzure wo ku bwa Nowa  | 
Home page » Ibibazo n’ibisubizo » Ese ibigeragezo byaba byibasira umuntu umwe gusa?
Ese ibigeragezo byaba byibasira umuntu umwe gusa?

Hari igihe umuntu ageramo ibigeragezo bikamwibasira, ugasanga mu kazi harimo intambara, ibyo agerageza gukora byose bikanga, mu muryango bigacika ndetse nabo asanze ngo bamufashe bagasa naho bamuteye umugongo. Igihe uyu muntu ari mu bigeragezo nk’ibi ashobora kwibaza cyangwa agatekereza ko ariwe byabayeho akarande ariko ijambo ry’Imana riravuga riti “Nta kigeragezo cyabagezeho kitari rusange mu bantu…” 1 Abakorinto 10:13.

Kuba Bibiliya ivuga ko ikigeragezo cyawe ari rusange, biragaragaza ko n’abandi bibageraho kuko atari umwihariko wawe gusa. Njya numva imvugo yabantu bavuga bati” isi ntisakaye nawe wanyagirwa” iyi mvugo nayitekerejeho cyane, nyigiraho kumenya ko ibiba ku bandi n’undi nawe byamubaho.

Nta mpamvu yo kubona ibigeragezo bije mu nzira yawe ngo utekereze ko Imana yakwibagiwe cyangwa yakuretse, oya, Imana ntishobora kukureka kandi ibyo unyuramo byose si wowe wenyine kandi mubabinyuzemo ntawabipfiriyemo.

Imana yemera ko duca mu bibazo. Nabo yagiye ikoresha yemeye ko baca mu ngorane. “Ibyo byababereyeho kutubera akabarore, kandi byandikiwe kuduhugura …”1 Abakorinto 10:11.

Mu buzima bwawe bwose ntuzabura ingorane zikugeraho ariko Imana ibashaka kugukomeza no kukuremera ubuhamya, si uko ikwanga cyangwa ishaka kubikwicisha kuko ntiyaguha ikigeragezo cyo kukwica. Niyo wageragezwa bikomeye itabishatse ntabwo urupfu rwakora ku buzima bwawe.

Komera ushikame ku Mana yawe nubwo ubona ari intambara mu rushako rwawe, mu kazi, mu muryango ndetse n’umubiri ukaba ukubabaza. Yesu ni Umwami kandi yanesheje isi. ntugire ubwoba ahubwo umwiyambaze kuko nawe yiteguye kuguha imbaraga.

Usobanukirwe ko ibyo urigucamo hari n’abandi biri kugeraho kandi umenye neza ko umuntu adatsindwa n’ibigeragezo ahubwo atsindwa nuko yabyitwayemo. Ugomba gusaba Imana rero ikaguhishurira uko ukwiye kwitwara mu kigeragezo kuruta uko wayisaba imbaraga zo kunesha icyo kigeragezo. Numenya uburyo nyabwo witwara muri cyo kigeragezo, ntakizakubuza kunesha kandi kwihangana no gukomera mu kwizera n’ingabo nziza zo kunesha ibitugerageza.

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

“Ngwino uko uri” Abahatanira Groove Awards 2016... Mwese abarushye n’abaremerewe,...
Gatanya (divorce) ivugwa no mu bakristo yemewe... Matayo 19:3 Abafarisayo baza aho...
Gushyingirwa, umuhango wategetswe n’Imana. Gushyingirwa ni kimwe mu by’ingenzi...
Musanze: Abakabakaba 100 bakiriye agakiza Kuri iki cyumweru tariki ya 14...
Ubushinwa: Havumbuwe ibihamya simusiga by’umwuzure wo ku... Bibiliya ijambo ry’Imana mu gitabo...
Kwamamaza
Find us on
Kwamamaza