Ibiheruka Ibintu 4 bituma Imana iba ikuretse  |  UMUGISHA UZANWA NO KWISUBIRAHO  |  Mbese uri umwigishwa cyangwa uri umufana wa Yesu?  | 
Home page » MENYA N’IBI » CEP-ULK yateguye igiterane cyo gushima Imana ku myaka (...)
CEP-ULK yateguye igiterane cyo gushima Imana ku myaka 18 imaze itangiye

CEP-ULK ni umuryango w’abanyeshuri basanzwe babarurirwa mu itorero rya Pantekoti ry’u Rwanda, ADEPR biga muri Kaminuza yigenda ya Kigali ULK, bakaba barateguye igiterane cy’iminsi ibiri bashima Imana ku myaka 18 CEP-ULK imaze itangiye. Iki giterane kiratangira kuri uyu wa gatandatu tariki 7 Gicurasi kizasozwe ku cyumweru tariki 8 Gicurasi 2016, kikazabera kuri Stade y’iyi Kaminuza iherereye ku Gisozi (ULK).

Uretse kandi kwizihiza isabukuru y’imyaka 18, iki giterane kizanaberamo umuhango wo gushimira ubuyobozi bwa CEP-ULK bucyuye igihe ndetse no gusengera abayobozi bashya, hamwe no kwakira abanyamuryango bashya nk’uko bisanzwe bigenda.

Ndayambaje Celestin uyobora CEP-ULK ya nimugoroba yabwiye ubugingo.com ko biteguye neza iki giterane hamwe na gahunda yo gushimira bakuru babo batangije umurimo mu bihe bitari byoroshye, ubu ukaba waragutse. Ati ‘’ urumva batangiye umurimo ULK ikiba mu gishanga ari bake bitoroshye ariko Imana yagiye yagura umurimo wayo.’’

Iki giterane kizitabirwa n’amakorari nka Jehovah-Jireh CEP-ULK, Korari Besalel ya ADEPR-Murambi/Nyanza-Kicukiro, Korari Turanezerewe CEP-ULK ( abiga ku manywa), Pasteri Zigirinshuti Michel ndetse n’abandi bakozi b’Imana batandukanye.

Korari Besalel ya ADEPR-Murambi

Umuryango w’abanyeshuri b’abapantekoti muri ULK watangiye mu mwaka w’1998, utangira mu byiciro bibiri ni ukuvuga abigaga ku manywa n’abigaga nimugoroba. CEP-ULK yo ku manywa yatangijwe n’abantu babiri ari bo uwitwa Cyuma Jean Claude ndetse na Kiyange Adda Darlene, ubu ikaba yaragutse igizwe n’abanyamuryango 245. Naho CEP-ULK y’abiga ku mugoroba yatangijwe n’abantu batatu aribo uwitwa Karemera Fiston, Dushimimana J de Dieu ndetse na Theogene, nayo ubu ikaba yaragutse igizwe n’abanyamuryango 235.

Korari Jehovah Jireh CEP-ULK

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

BYA BIHE BYIZA BYO KWEGERA IMANA Nimuze murebe imirimo y’Imana, Iteye...
NIHE WASENGERA IKAKUMVA? "Imana ni Umwuka, n’abayisenga...
UMUSATSI WAWE URABAZWE "Ndetse n’imisatsi yo ku mitwe yanyu...
IMANA YA ELIYA IKUMVE! 2 Abami 2:14 "Yenda wa mwitero...
Kwamamaza
Find us on
Kwamamaza