Ibiheruka Ibintu 4 bituma Imana iba ikuretse  |  UMUGISHA UZANWA NO KWISUBIRAHO  |  Mbese uri umwigishwa cyangwa uri umufana wa Yesu?  | 
Home page » MENYA N’IBI » Imana ntiyirengagiza abayisanga
Imana ntiyirengagiza abayisanga

"Iki ni cyo nibuka, ni byo bindema umutima. Imbabazi z’Uwiteka ni zo zituma tudashiraho, kuko ibambe rye ritabura. Zihora zunguka uko bukeye, umurava wawe ni munini." Amaganya ya Yeremiya 3:21

Ubuzima bwa buri muntu bwuzuye intambara gusa kubera ibyo anyuramo. Buri wese uzirwana ashobora kuzitsinda cyangwa kuzitsindwa.

Rimwe na rimwe ibyemezo dufata bishyira mu kaga ubuzima bwacu. Birashoboka ko nawe waba warigeze gufata ibyemezo bishobora kuba byashyira ubuzima bwawe mu kaga. Ese birakurambiye? urashaka gutera intambwe? Urashaka kugarukira Imana?

Dore igisubizo: "Ariko abategereza Uwiteka bazasubizwamo intege nshya, bazatumbagira mu kirere bagurukishe amababa nk’ibisiga, baziruka be kunanirwa, bazagenda be gucogora." Yesaya 40:31

Iringire Uwiteka, ni we wenyine ubasha kugusubizamo intege. Abasha kugukura muri ako kaga. Reka kwibwira ko bidashoboka, uyisunge. Uyu waba ari wo munsi wawe wo gutangira bundi bushya. Ukiyunga n’Imana. Yizere gusa. Niyo gisubizo cy’izo ngorane zawe. Yihungireho izakugeza ku byiza.

"Uba mu rwihisho rw’Isumbabyose, azahama mu gicucu cy’Ishoborabyose." Zaburi 91:1

Sanga Imana. Yizere udashidikanya; uko byaba bimeze kose. Niyo yonyine ishobora kugukura muri ako kaga. Imbabazi zayo ntizishira. Wakongera ugatangira Imana ikakwakira bundi bushya kandi yabikorana urukundo.

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

BYA BIHE BYIZA BYO KWEGERA IMANA Nimuze murebe imirimo y’Imana, Iteye...
NIHE WASENGERA IKAKUMVA? "Imana ni Umwuka, n’abayisenga...
UMUSATSI WAWE URABAZWE "Ndetse n’imisatsi yo ku mitwe yanyu...
IMANA YA ELIYA IKUMVE! 2 Abami 2:14 "Yenda wa mwitero...
Kwamamaza
Find us on
Kwamamaza