Ibiheruka Uko amagambo 7 Yesu yavugiye ku musaraba akurikirana n’amasomo akubiyemo  |  Inyungu zo gutitiriza Imana  |  Ibintu 4 bituma Imana iba ikuretse  | 
Home page » MENYA N’IBI » Iterambere ritarimo Imana ritera agahinda
Iterambere ritarimo Imana ritera agahinda

”Maze nitegereje imirimo yose y’amaboko yanjye n’imiruho yose niruhije nkora , nsanga byose ari ubusa, ari nko kwiruka inyuma y’umuyaga, kandi nta gifite umumaro kiri munsi y’ijuru “. Umubwiriza 2:11

Bibiliya itwereka ibintu byatubera iby’ibyitegererezo mu buzima bwacu bwa buri gihe, mu gitabo cy’ Umubwiriza hatwereka Umwami wari ufite iterambere rihambaye.”Nikoreye imirimo ikomeye, niyubakiye amazu,… “ Yagendaga arondora ibintu byose yari yaragerageje kandi byose bisa rwose n’ ibiranga iterambere turimo muri iki gihe

  1. Kugwiza ubwenge no kubukarishya cyane (Umubwiriza 1:13)
  2. Kwinezeza no kwirangaza (Umubwiriza 2:1-3)
  3. Kubaka amazu meza no gukora ibindi bikorwa by’ iterambere (Umubwiriza 2:4-8) bikamugwiriza ubutunzi n’icyubahiro.

Nyamara nubwo yari yarakoze byinshi bifatwa nk’iterembere hano mu isi , hari aho yageze agereranya byose nk’ubusa.”….Nsanga byose ari ubusa, ni nko kwiruka inyuma y’umuyaga…“ Umubwiriza2:11.Urebye neza usanga impamvu umubwiriza yavuze ayo magambo, ari uko yasanze ibintu byose tuvunikira turi mu isi, hari umunsi tuzabisigira abandi, batabivunikiye kandi yewe bashobora no kutanabikoresha neza.

Ubwinshi bw’ ibintu ntibuha nyirabyo amahoro, akenshi aba ahangayitse, na nijoro umutima we nturuhuke. Nyamara unezeza Imana ni we iha ubwenge no kumenya n’umunezero -Umubwiriza 2:26

Ibi ntibivuze ko abatunze baciriweho iteka, ahubwo ni ukubibutsa ko ibanga ry’ubutunzi ndetse n’ iterambere nyakuri ari ugukora byose mu buryo bunezeza Imana.

Ntabwo Imana yanga ko dutunga ibintu , ishaka ko ibyo iduhaye bitadutandukanya nayo , ahubwo bikadutera kuyishima no kuyubaha. 1 Abakorinto 10:31 “Namwe iyo murya cyangwa munywa cyangwa mukora ikindi kintu cyose ,mujye mukorera byose guhimbaza Imana”.

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza
Kwamamaza
Find us on
Kwamamaza