Ibiheruka Ibintu 4 bituma Imana iba ikuretse  |  UMUGISHA UZANWA NO KWISUBIRAHO  |  Mbese uri umwigishwa cyangwa uri umufana wa Yesu?  | 
Home page » MENYA N’IBI » Uko bahinduranyaga aho kumfungira byamberaga uburyo (...)
Uko bahinduranyaga aho kumfungira byamberaga uburyo bwiza bwo kwamama Yesu henshi-Pastor Saeed Abedini

Saeed Abedini, wafungiwe mu gihugu cya Irani imyaka itatu n’igice azira kwamamaza ubutumwa bwiza bwa Yesu Kristo akaza kurekurwa mu ntangiriro z’uyu mwaka, mu kwezi kwa mbere 2016, yatangaje byinshi ku buzima bwe mu gihe yari muri gereza. Ibi bikubiyemo, umurimo Imana yamukoresheje w’ivugabutumwa ndetse n’akaga yahuriyemo nako.

Mu kiganiro na Abigaïl Robertson, umunyamakuru wa CBN abajijwe icyo avuga ku birego yashinjwaga byo gushinga amtorero mu duce tw’abasilamu ndetse no gushaka guhirika ubutegetsi yifashishije ubukristo, akaza gukatitwa igifungo cy’imyaka 8 muri gereza, Pastor Saeed Abedini yongeye kwibutsa ibihe bibi yabayemo muri gereza, aho yatotezwaga, abacungagereza bakamusezeranya kumwica, ariko ntacike intege. Avuga ko ahubwo wabaye umwanya mwiza wo gusangira n’abo bari bafunganywe ubutumwa bwiza.

Pastor Saeed Abedini

Ati ‘’ Umwaka wanjye wa mbere muri gereza, imfungwa 10 zahindukiriye Yesu. Abapolisi n’abacungagereza baza kubivumbura banyoherereza mu yindi gereza, aho ubuzima bwari bugoye cyane. Ariko uko bahinduranyaga aho kumfungira, byamberaga uburyo bwiza bwo kwamamaza Yesu. Kubera abahindukiraga byatumye ndushaho gutotezwa, bantandukanya n’abandi, banshyira ahanjye imyaka ibiri ya nyuma. Gusa uko nasengaga, Umwuka yashyiraga mu mutima wanjye ko igihe cyo gupfa kitaragera, ahubwo akimbikiye umurimo.’’

Pastor Saeed Abedini n’umuryango we

Umugore we Naghmeh Abedini, ntiyigeze ahwema gutabariza umugabo we, ngo arebe ko yarekurwa. Amaze gufungurwa, nibwo yasobanuye akaga yahuye nako karimo ihohoterwa rishingiye ku gitsina n’ibindi nk’ibyo. Atangaza ibi yongeye gusaba ababafashije gusenga gukomeza kubasengera ko urugamba rugikomeje. Ati ‘’ umugabo wanjye ntaramererwa neza n’ubu, ndacyakeneye amasengesho kugeza ubu kuri mwe mwatubaye hafi na mbere.’’

Innocent Kubwimana/Ubugingo.com

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

BYA BIHE BYIZA BYO KWEGERA IMANA Nimuze murebe imirimo y’Imana, Iteye...
NIHE WASENGERA IKAKUMVA? "Imana ni Umwuka, n’abayisenga...
UMUSATSI WAWE URABAZWE "Ndetse n’imisatsi yo ku mitwe yanyu...
IMANA YA ELIYA IKUMVE! 2 Abami 2:14 "Yenda wa mwitero...
Kwamamaza
Find us on
Kwamamaza