Ibiheruka Ibintu 4 bituma Imana iba ikuretse  |  UMUGISHA UZANWA NO KWISUBIRAHO  |  Mbese uri umwigishwa cyangwa uri umufana wa Yesu?  | 
Home page » MENYA N’IBI » Umukinnyi w’ikirangirire muri NBA Stephen Curry atewe (...)
Umukinnyi w’ikirangirire muri NBA Stephen Curry atewe ishema no kuba umukozi w’Imana.

Umukinnyi wamamaye cyane mu mukino w’intoki wa basket mu gihugu cya Leta Zunze Ubumwe z’Amerika, Stephen Curry, yatangaje ku mugaragaro ko yishimiye guca bugufi kubwo kuba umugaragagu w’Uwiteka Imana.

Uyu mukinnyi ukinira ikipe ya The Golden State Warriors, yatangaje ukwizera kwe gukomeye afite mu Mana ubwo bari mu muhango wo gutanga igihembo cy’umukinnyi witwaye neza mu mwaka w’2014- 2015 w’imikino ya basket muri cyo gihugu. Uyu mwanya uzwi ku izina rya MVP ( Most Valuable Player), ugenekereje mu Kinyarwanda wavuga ko ari umukinnyi w’ingenzi witwaye neza. Muri uwo muhango, Stephen Curry , yaboneyeho gutambutsa ijambo ryari rimuri ku mutima ryuzuye guhamya kwizera kwe mu Mana.

Curry yagize ati” mbere na mbere ndashimira Imana n’umucunguzi wanjye Yesu Kristo kuba yarampaye iyi mpano yo gukina, ikindi ndashimira umuryango wanjye kubwo kunshyigikira umunsi ku wundi. Kubera iyo mpamvu nshiye bugufi kuko ndi umugaragu w’Imana uciye bugufi kandi sinshobora kuvuga ko ari kubwanjye nabasha kwigira uwo ndiwe ubu cyangwa se ngo nigeze ku rwego rw’uko nkina”

Ku myaka 27 akaba ari ubwa mbere yegukanye icyo gihembo nyuma yo kwesa umuhigo wo gutsinda amanota 286 atsinda amanota atatu atatu, mu mwaka w’imikino ushize akaba yari yaratsinze amanota 272.

Ntabwo Stephen Curry yagarukiye aho gusa ahubwo yatangaje ko ibintu bigera kuri 4 aribyo bimufasha kugera ku rwego agezeho. Yavuze ko kwizera, urukundo, kwiyemeza n’ubushake aribyo bikomeje kumuzamura mu mikinire ye.

Yasobanuye ko abantu bagomba kumenya ko kuba ariho no kuba ari uwo ari we, byose abikesha Yesu Kristo umucunguzi. Ikindi yemera ko ibyo umuntu anyuramo byose haba hari impamvu kandi Imana iba iri kumwe nawe.

Yasoje ashimira abafatanya bikorwa be, inshuti n’abagenzi be abashishikariza ko bakwiye kwizera Umwami Yesu Kristo kandi bagakora cyane kugira ngo babashe kugera ku nzozi zabo.

Mukwezi kwa Gashyantare, uyu mukinnyi yari yashyize hanze urukweto rwari rwanditseho icyanditswe akunda cyane kiboneka mu Abafilipi 4:13 kivuga ngo” nshobozwa na Kristo umpa imbaraga. Src Infochretienne

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

BYA BIHE BYIZA BYO KWEGERA IMANA Nimuze murebe imirimo y’Imana, Iteye...
NIHE WASENGERA IKAKUMVA? "Imana ni Umwuka, n’abayisenga...
UMUSATSI WAWE URABAZWE "Ndetse n’imisatsi yo ku mitwe yanyu...
IMANA YA ELIYA IKUMVE! 2 Abami 2:14 "Yenda wa mwitero...
Kwamamaza
Find us on
Kwamamaza