Ibiheruka Gatanya (divorce) ivugwa no mu bakristo yemewe ryari?  |  Gushyingirwa, umuhango wategetswe n’Imana.  |  Ubushinwa: Havumbuwe ibihamya simusiga by’umwuzure wo ku bwa Nowa  | 
Home page » MENYA N’IBI » Umutekano w’iteka ryose
Umutekano w’iteka ryose

Iyo abantu bamaze kwakira Kristo nk’Umucunguzi wabo, baba bagiranye n’Imana ubusabane bubizeza umutekano w’iteka ryose.

Muri Yuda 24 havuga ngo: "Nuko ibasha kubarinda ngo mudasitara, no kubahagarika imbere y’ubwiza bwayo mudafite inenge ahubwo mwishimye bihebuje" Ububasha bw’Imana bushobora kurinda uwizera gusitara. Ni Yo, ishobora kuduhagarika imbere y’ubwiza Bwayo, si twebwe,. Umutekano wacu w’iteka ryose ni uburyo turinzwe n’Imana, ntabwo ari ugushikama mu gakiza kacu.

Umwami Yesu Kristo yaravuze ngo: "Nziha ubugingo buhoraho, kandi ntizizarimbuka na hato iteka ryose, kandi ntawe uzazivuvunura mu kuboko kwanjye. Data wazimpaye aruta bose, ntawe ushobora kuzivuvunura mu kuboko kwa Data" (Yohana 10:28-29b). Yesu na Data baratubumbatiye cyane mu kiganza cyabo. Ni nde washobora kutugobotora mu kiganza gikomeye cya Data n’Umwana?

Mu Abefeso 4:30 hatubwira ko abizera "bashyiriweho kuba ikimenyetso kugeza ku munsi wo gucungurwa." Niba abizera badafite umutekano w’iteka ryose, icyo kimenyetso ntigishobora kuba koko ari icyo ku munsi wo gucungurwa, ahubwo cyaba gusa ikimenyetso cy’umunsi wo gucumura, gusohoka mu byiringiro, cyangwa gutakaza kwizera. Muri Yohana 3:15-16 hatubwira ko umuntu wese wizera Yesu Kristo "azahabwa ubugingo buhoraho." Niba umuntu yarasezeranijwe ubugingo buhoraho, ariko nyuma akabwamburwa, ntabwo mu ntangiro aba yarabaye na rimwe "uwo kubaho iteka ryose". Niba rero umutekano w’iteka ryose utabaho, amasezerano y’ubugingo buhoraho avugwa muri Bibiliya, yaba ari ukwibeshya.

Ikimenyetso gikomeye kurusha ibindi, cyerekeye umutekano w’iteka ryose kiri mu Abaroma 8:38-39, "Kuko menye neza yuko naho rwaba urupfu cyangwa ubugingo, cyangwa abamarayika cyangwa abadayimoni, cyangwa ibiriho cyangwa ibizabaho cyangwa abafite ubushobozi, cyangwa uburebure bw’igihagararo, cyangwa uburebure bw’ibujyakuzimu, cyangwa ikindi cyaremwe cyose, bitazabasha kudutandukanya n’urukundo rw’Imana ruri muri Kristo Yesu Umwami wacu." Umutekano wacu w’iteka ryose ushingiye ku rukundo rw’Imana ifitiye abo yacunguye bose. Umutekano wacu w’iteka ryose ni Kristo wawishyuye, ni Data wawudusezeranije, maze Umwuka Wera awushyiraho iKimenyetso.

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

“Ngwino uko uri” Abahatanira Groove Awards 2016... Mwese abarushye n’abaremerewe,...
Gatanya (divorce) ivugwa no mu bakristo yemewe... Matayo 19:3 Abafarisayo baza aho...
Gushyingirwa, umuhango wategetswe n’Imana. Gushyingirwa ni kimwe mu by’ingenzi...
Musanze: Abakabakaba 100 bakiriye agakiza Kuri iki cyumweru tariki ya 14...
Ubushinwa: Havumbuwe ibihamya simusiga by’umwuzure wo ku... Bibiliya ijambo ry’Imana mu gitabo...
Kwamamaza
Find us on
Kwamamaza