Ibiheruka Ibintu 4 bituma Imana iba ikuretse  |  UMUGISHA UZANWA NO KWISUBIRAHO  |  Mbese uri umwigishwa cyangwa uri umufana wa Yesu?  | 
Home page » Ubutumwa bw’Umunsi » Kuki Imana yemera Ko tujya kwa muganga kandi ifite (...)
Kuki Imana yemera Ko tujya kwa muganga kandi ifite imbaraga zo kudukiza?

Imana ivuga ko ukuboko kwayo kutaheze ngo inanirwe gukiza. "Dore ukuboko k’Uwiteka ntikwaheze ngo ananirwe gukiza, n’ugutwi kwe ntikwapfuye ngo ananirwe kumva" - Yesaya 59:1

Ni byo rwose imbaraga z’ Imana zirahambaye kandi ishobora gukiza ibyo abaganga batavura. Ishobora no kugukiza utagiye kwa muganga ariko yahaye ubwenge abaganga kugira ngo ibakoreshe mu gukiza. Ni na yo mpamvu dukwiye guhora dushimira Imana ubuhanga yabahaye.

Ushobora kuba ufite ubuzima bwiza butarangwamo uburwayi kandi ni byiza rwose; ariko wibaze niba ukoresha ubwo buzima nk’impano Imana iguha buri munsi kugira ngo uyishimire. Waba wumva ufite ubuzima bukomeye cyangwa wumva ufite imbaraga nkeya umunsi ku munsi ukwiye guhora ushimira Imana. Bibiliya iratubwira iti "Gutanga kose kwiza n’ impano yose itunganye rwose ni byo biva mu ijuru, bimanuka bituruka kuri Se w’imucyo udahinduka, cyangwa ngo agire n’igicucu cyo guhinduka"- Yakobo 1:17

Impano Imana itanga ni nziza nkuko na yo ari nziza kandi ntihinduka. Nyamara waba umeze neza cyangwa urwaye ukwiye kumenya ko iherezo ari ugupfa. Tekereza iherezo ryawe nyuma y’ubu buzima. Imana irakuzi neza kandi igukunda ubudasiba.

Hitamo kubaho buri munsi ku bwa Kristo utitaye ku byo ucamo kugeza igihe uzavuga nka Pawulo Intumwa uti "Narwanye intambara nziza, narangije urugendo, narinze ibyo kwizera. Ibisigaye mbikiwe ikamba ryo gukiranuka, iryo Umwami wacu, umucamanza utabera azampa kuri urya munsi, nyamara si jye jyenyine, ahubwo ni abakunze kuzaboneka kwe bose" - 2 Timoteyo 4:7.

Haba hari icyemezo ufashe nyuma y'ubu butumwa

Ntagitekerezo kiratangwa kuri iy'inkuru

TANGA IGITEKEREZO CYAWE


  •  

Izindi Nkuru
 
Kwamamaza

Izakurikiwe cyane

BYA BIHE BYIZA BYO KWEGERA IMANA Nimuze murebe imirimo y’Imana, Iteye...
NIHE WASENGERA IKAKUMVA? "Imana ni Umwuka, n’abayisenga...
UMUSATSI WAWE URABAZWE "Ndetse n’imisatsi yo ku mitwe yanyu...
IMANA YA ELIYA IKUMVE! 2 Abami 2:14 "Yenda wa mwitero...
Kwamamaza
Find us on
Kwamamaza